وصفة خصيصا للوليدات اللي حاط عليهم البرد كنت مقهورة بالدوايات والأنتبيوتيك

[MAYMOUNA]

هاد الوصفة خصيصا للوليدات اللي حاط عليهم البرد كنت مقهورة بالدوايات والأنتبيوتيك حتى عطاتني حماتي هاد الوصفة الله يخلي ليها صحيحتها ويطول عمرها تهنيت من دوايات الفرمسيان

تاخدي نص كاس زيت البلدية حرة وتسخنيها ومعلقة كبيرة عصير حامضة وجوج معالق كبار عسل حر

تخلطي عصير لحامض مع العسل حتى يندامجو وتخويهم على الزيت اللي سخناه من قبل وتخلطيهم مزيان حتى يوليو بحال سيرو غير تحسي بيهم ضربهم لبرد عطيهم معلقة فالصباح ومعلقة فالليل قبل النعاس راه دقة ببطلة للبرد

ولوليدات اللي تحت عام ونص نعوضو ليهم لعسل بمعلقة صغيرة دسنيدة حيث صعيب عليهم لعسل الحر

والله يخللي ليكم وليداتكم ويصلحهم وتشوفوهم كيف تمنيتو...

[لبني العبدية]

شكرا ليك بزاف الحبيبة على هاد الوصفة الله يخليك إنشاء الله